ग्रामपंचायत चिंचणी 

सन १९२३ मध्ये स्थापन झालेली चिंचणी ग्रामपंचायत ११.५ चौरस मैल क्षेत्रावर पसरलेली असून, ६ वॉर्डांमध्ये (अ ते ई) विभागलेल्या या पंचायतीमध्ये एकूण १८ सभासद कार्यरत आहेत. गावाची एकूण लोकसंख्या १३,६४६ असून, येथे मुख्यत्वे शेती, बागायत, मासेमारी आणि तब्बल ४०० दुकानांचा समावेश असलेला ‘डायमेकर’ (डायकाम) हा मुख्य उद्योग चालतो. येथील बागायत, जिरायत, गुरचरण व गावठाण मिळून जमिनीचे क्षेत्र २१-७२-४३ हे-आर व ९०३-०० आणि ४९९-९० हे-आर असून गावात १,०५० शेतकरी आहेत. या भागात सोमवंशी क्षत्रिय, ब्राह्मण, बारी, मांगेला, भंडारी, हरिजन (अ.ज.), आदिवासी (अ.जा.), मुसलमान आणि कच्छी समाज एकत्र राहतो.

नागरिकांच्या सुविधेसाठी ग्रामपंचायतीमार्फत घरपट्टी, पाणीपट्टी, दिवाबत्ती, बाजार, करमणूक व यात्रा कर वसूल केले जातात. प्रशासकीय कामांसाठी निरीक्षक, लिपिक, शिपाई, पाणीपुरवठा कर्मचारी, झाडू व सफाई कामगार (घंटागाडी), संगणक परिचालक आणि जीवरक्षक/रोजगार सेवक असा मोठा नोकरवर्ग कार्यरत आहे.